ليه البلد دي عايزة مهندس يحكمها ؟؟

اولا : لان دماغه نضيفة وشغالة
ثانيا : عنده قوة صبر وتحمل .. وده لأنه مر بحوالي 10 امتحانات ترم .. و 10 ميد ترم .. دا على فرض انه خلص الكلية في 5 سنين بس
ثالثا : يتكيف مع الاوضاع بسهولة .. يعني مثلاً هو داخل الهندسة على انها كلية عملية واكتشف بعد كده انها كلية نظرية .. شوية ورق والعملية بتخلص .. ومع ذلك مقالش لأ
رابعا : دبلوماسي .. يعني الدكاترة يقرفوه والمعيدين يقعدوا طول السنة يغيروا مواعيد السكاشن بمزاجهم ومع ذلك مبيعترضش .. لانه لو اعترض المعيد هيديله صفر في اعمال السنة والدكتور هيسقطه في المادة
خامسا : عنده ذوق .. يعني مثلاً الدكتور اللي قدامه يكون مش فاهم اي حاجة في اي حاجة ومع ذلك بيحضرله علشان ميحرجوش بس
سادسا : بيتحمل الـ
Stress Very Happy

تلاقي اصحابه كل يوم خارجين وهو سهران يشرب في قهوة ويذاكر
سابعا : قليل المصاريف .. وده لانه مش فاضي يخرج ولا يتفسح ولا ياكل ولا يشرب .. ولا حتى يروح يحلق شعره
ثامنا : مش هيغتت على شعبه زى ما الدكاترة بيغتتو عليه .. وده لانه بيقابل السيئة بالحسنة
تاسعا : عنده فضول وحب استطلاع .. تلاقيه يبقى مش مذاكر ولا عارف اي حاجة في المادة ومع ذلك يروح الامتحان .. ليه ؟؟ .. متعرفش .. اهو فضول وخلاص